धुक्यात आलीस भल्या पहाटे
नक्षत्राचे झुम्बर घेउन
मिलनाच्या त्या संकेतावर
गेलीस हळूच फूली मारून
धुक्यात आलीस भल्या पहाटे
गालावर दवबिंदू घेउन
दवबिंदू मिठीत द्रवताना
का बारे गेलीस निमिष नयनातुन
धुक्यात आलीस भल्या पहाटे
स्वप्नाचा गजरा माळुन
स्वप्नांतिल तो गोड लालिमा
उधळत जातेस माझ्या कळ्यांतुन
धुक्यात आलिस भल्या पहाटे
प्रेमाचे अभिवचन घेउन
आट्यापाट्याच्या त्या खेळांत
आपण जातो का बरे गुंतुन
मग धुक्यात आलिस एके पहाटे
नयनी अश्रुंवर संयमाचा पहारा
मग घोघरया आवाजात स्त्रवतो
तो कातिल वेदनेचा निखारा
धुक्यात आलिस मग का.. पहाटे
उभ्या स्वप्नांच्या मग उध्वस्त धर्मशाळा
एकाटाच पारवा का घुमतो आहे
मग कापीत काळांच्या कातरवेळा...
Sunday, May 23, 2010
स्मित
ती गुबगुबीत नवयौवना
भुर्रकन द्रश्टी पल्याड जाते
वळणावर वळण घेउनी
ती इकडेच पायउतार होते
हलकेच तिने वाकताना
तिचा पदर गाफिल ढळतो
त्या गाफिल क्शणाच्या झटती
मग जीव खालीवरती होतो
नजरेची तिची प्रत्यंचा
जिव ..शेवरी...शेवरी करतो
परंतु तिच्या नजरेत
ओळखिचा लवलेश ही नसतो
वैशाखी ही घनी कपारी
एक ..कातळ..कातळ...स्त्रवतो
परि ना हिच्या ह्र्दयी
स्नेहाचा कोंभ ना फुटतो
असे आता नेहमिच होते
रोज शिळ वाय्रावर उधळते
परि..मन..त्या गोड मधात
स्त्रवुन...स्त्रवुन ..उगीचच झडते
परि एक असा ही दिस उजाडतो
ती हळुच अनवट स्मित फेकते
माझ्या.. हर... शेवरी देहात
मन ..वासरु ..चौखुर उधळते.
Subscribe to:
Posts (Atom)